كيف تحدث تغييرا إيجابيا في حياتك 🌻

" إذا أردت أن تحدث تغييرا إيجابيا في حياتك فكر في الأفكار التي تقربك من هدفك ثم تصرف على أساسها مهما كانت التحديات و ستجد بنفسك التغيير الذي ستراه في حياتك "  د. إبراهيم الفقي

✨ يعني إيه الكلام ده ✨

⇦عايزه تذاكري  بس حاسه بملل وإجهاد وكسل

🌥️افتكري دايما النتيجة وازاي هيهون تعبك ومجهودك لما تنجحي بتفوق وتوصلي للهدف اللي كنتي محدداه لنفسك

⇦عايزه تخسي وتنزلي وزنك وتعبتي من كتر ما بتبدأي دايت وتتوقفي او تقطعي

🌦️فكري دايما في شكل جسمك لما تتبعي التعليمات وتمشي عليها بصبر واصرار و ازاي ده هيفرق معاكي في كل حياتك وخصوصا صحتك

⇦عايزة تحفظي قرآن و بتقطعي ويوم تكوني متحمسة وعشرة تكوني مش عارفه تكملي

🌦️افتكري أجر حفظ القرآن وازاي ان حفظة القرآن هما أهل الله وخاصته وأنهم لهم الأفضلية على جميع المسلمين "خيركم من تعلم القرآن وعلمه" وإزاي ربنا سبحانه وتعالى كرمهم هم و أهليهم   " من قرأ القرآن وتعلَّم وعمل به أُلبس والداه يوم القيامة تاجاً من نور ضوؤه مثل ضوء الشمس ، ويكسى والداه حلتين لا تقوم لهما الدنيا فيقولان : بم كسينا هذا ؟ فيقال : بأخذ ولدكما القرآن " و افتكري أنهم لهم السبق في درجات الجنة  ( يقال لقارئ القرآن : اقرأ ورتل وارتق كما كنت ترتل في الدنيا فإن منزلتك عند آخر آية كنت تقرؤها )  ....

🌻 .. و هكذا في كل أمور حياتك .. 🌻
 لازم تحددي هدفك بوضوح و كمان تعرفي دوافعك إيه ؟؟ إيه الأسباب اللي عشانها عايزه اعمل أهدافي ديه

🌼رب العزة سبحانه وتعالى بيقول :-
(و ذكر فإن الذكرى تنفع المؤمنين)
يعني إنتي محتاجة من وقت للتاني تفكري نفسك بالدوافع اللي هتخليكي تكملي علشان تحققي أهدافك

🌼و ماتنسيش قول الله عز وجل (والذين جاهدوا فينا لنهدينهم سبلنا )
 يعني اعملي بجد واجتهاد واصرار و أكيد هتوصلي
 شرط إخلاص النية لله عز وجل في كل أمورنا
#شيماءمحمدعلي