كيف نتخلص من الآثار السلبية للماضي
النهاردة هتنزل محاضرة عن #شبح_الماضي
الماضي
ازاي اتخلص من التجارب السلبية اللي مريت بيها زمان ولسه متعلقة في مخي
ازاي اتعلم منه واكتسب خبرة ولو وقعت في نفس التجربة اعرف اتصرف بحكمة وهدوء
ازاي اخليه يرقد في سلام ⚰️RIP 😁 من غير ما يعكنن عليا من فترة للتانية
➖➖➖➖➖➖
طبعا كلنا عارفين كرتون
*the lion King* الأسد الملك
كان فيه موقف بين القرد🐒وسمبا 🦁
لما القرد عرف إن لسه سمبا عايش
وحب يرجعه أرض العزة علشان يستعيد ملكه
حصل بينهم الحوار التالي :-
🦁: يظهر إن الريح اتغير
🐒: آه التغيير كويس
🦁: أنا عارف انا هعمل ايه بس رجوعي معناه إني أواجه الماضي اللي هربت منه من زمان
🐒: ضرب سمبا 👊🏻👊🏻
🦁: آاااه أي ليه عملت كده
🐒:ميهمكشي ده كان في الماضي
🦁:بس دي بتوجع
🐒:أيوة الماضي يمكن يوجع بس من وجهة نظري يتهرب منه أو تتعلم منه ......
➖➖➖➖➖➖➖
*👻شبح الماضي👻*
موضوعنا النهااااردة.
👻شبح الماضي👻
الايموشن معبر صح 😂
النهاردة حابة اتكلم معاكم عن حاجة مهمة جداااا وبتسبب لنا عقبات كتير في مشوار حياتنا سواء كنا مدركين لكده او لا
سواء بيحصل لنا كده بعقلنا الباطن او حتى الواعي .....
هنتكلم عن *شبح الماضي*
كل واحد مننا عدت عليه مشاكل وتجارب سلبية كتير في حياته ولسه متخزنة في عقله ومش عارف يتخلص منها بالرغم من ان عدت عليها سنين كتييييير
طيب في هنا سؤال مُلِحّ
*هل من الممكن أن نغير الماضي؟*
يقول د. إبراهيم الفقي رحمه الله:-
"ليس الماضي إلا كنزًا من المهارات والخبرات والتجارب بدونها يتخبط الإنسان في الظلام"
طيب والكنز ده هنحصل عليه إزاي والخبرة دي هنكتسبها أزااااي ده اللي هنعرفه
*إجابة السؤال:-*
لا نستطيع تغيير الماضي لأنه مضى ؛ ولكن يمكننا أن نغير فكرتنا في تجاربه ونتعلم منها ثم نحدث فيها التغييرات التي نريدها بخبرتنا الآن ....
سامعه حد بيقول بالسهولة دي؟ 😏
هقوللك آه
أيوة بالسهولة دي 🤨
دلوقتي هنعمل مع بعض تمرين هيوضح لنا الفكرة ....
👩🏻⚖-عايزاكي دلوقتي تفتكري تجربة سلبية عدت عليكي من مدة أيًا كان وقتها أفتكريها وفكري أحساسك كان إيه وقتها ؟؟
🙎🏻♀: فكرت ولاقيت إن التجربة وأحاسيسي كانت ولازالت سلبية
👩🏻⚖-طيب لو فرضنا أن الزمن رجع بيكي لورا و مريتي بنفس التجربة مرة تانية هل تصرفك هيكون زي المرة اللي فاتت؟؟
💁🏻♀: أكيد لأااا طبعا
لأني أتعلمت وخدت درس من اللي حصل ولو مريت بنفس التجربة تاني أكيد هتصرف أحسن وأستعدادي هيكون أفضل.
👩🏻⚖- تمام جدااااا
عايزاكي دلوقتي بقى تفكري في الخبرة اللي كسبتيها من التجربة دي والمهارات اللي اتعلمتيها في المرة الأولى
💁🏻♀: أقولك ياستي
*أتعلمت أزاي أنصت أكتر ما اتكلم وأقيم الموقف و ما أحكمش بسرعة و لا آخد قرار بسرعه وأرد بتأني وأركز ع الحل وما اربكش نفسي واتكلم بكلام ملهوش لازمة اكون محددة واتكلم في الموقف نفسه وبس....
👩🏻⚖: جمـــيل جدااااا
دلوقتي لو فكرتي في نفس التجربة اللي كانت سلبية هتلاقي نفسك :::
🌼 بتتصرفي فيها بالمهارات اللي اتعلمتيها والخبرة اللي كسبتيها
🌼هتلاقي نفسك متحكمة تماما بالموقف اللي انتي فيه وإحساسك هادي ومتزن وأفكارك مرتبة ....
وبكدا هنكون غيرنا الواقع والأحاسيس السلبية اللي كل أما تيجي في بالنا تنكد علينا لواقع ملئ بالمهارات والخبرات والإيجابية.....
#هنغيييير_سلبية_الماضي
و في رأيي الماضي يـــنهرب منه يـــــنتعلم منه 😉
🤩🤩🤩
#دمتن_إيجابيات_سعيدات
✍🏻 #شيماءمحمدعلي
إستشاري أسري وتربوي
أخصائي تنمية بشرية وتطوير ذات
تعليقات
إرسال تعليق